وحدة رومانسية فيقت راجلها فــ النص د الليل
وقالت ليه: هل ينام الحب ليلا، أم ينام الليل حباً، أم أنا والليل حبٌ لا ينام؟
رد عليها: هل تريدين الطلاق، أم أن الطلاق يريدك، أم أنت والطلاق تريدون بعضاً؟
واحد مشى مع مدامتو للسينما
شرى شيبس وبدا ياكل
قالتلو مدامتو ذوقني، عطاها حبة
كلاتها وقالتلو زيد ذوقني
قالها: يا الحمارة!! كاملين عندهم بنة وحدة
سول الأستاذ واحد التلميد: باش كتحلم؟
قال ليه الدري: كنحلم نشد 10000 درهم ف الشهر بحال الوالد.
قال ليه الأستاذ: علاش باك كيشدهم؟
قال ليه الدري: لا، حتى هو غير كيحلم.
واحد الكليان قال للسرباي: سمح ليا، ولكن راه صبعك كان مخشي ف هاد الزلافة ديال الحريرة اللي جبتي ليا.
قال ليه السرباي: الدنيا هانية، ولا عليك، ما كانتش سخونة
هادا واحد البخيل كان خسو يمشي لشي بلاصة
بعيدة سول واحد مول الطاكسي قالو
بشحال كتدي الناس قالو ب10dh قالو البخيل
و الشنطة قالو فابور قالو البخيل دي الشنطة
وانا جاي تابعك
هادا واحد الزقرام حط الليمون ياكلو.
حل الأولى، لقاها خامجة ولاحها.
حل التانية، لقاها خامجة ولاحها.
وهو يطفي الضو وحل التالتة دغية وسرطها بلا ما يشوف فيها
هادا واحد التلميد قال ليه المعلم: عطيني خمسة ديال الحيوانات
قال ليه التلميد: بقرة و كلب و تلاتة ديال الحمامات
.jpg)
0 التعليقات :
إرسال تعليق